အပြင်မှာတော့ မိုးတွေသည်းကြီးမည်းကြီးပဲဗျာ။ မိုးအေးအေးနဲ. အွန်လိုင်းပေါ် ဟိုကြည့်ဒီကြည့်နဲ့ လုပ်ရင်း ဘာရယ်မဟုတ် စာရေးချင်စိတ်တွေပေါ်လာတယ်ဗျ။ လွမ်းစရာကောင်းတယ်ဗျာ။ အမယ် ကျောင်းဆရာက ဘာများလွမ်းစရာ တွေရှိနေတာလဲ။ ဘာကိုလွမ်းလို့လွမ်းရမှန်းမသိပါဘူးဗျာ။ သေချာတာတော့ အိမ်ကိုသတိရတယ်ဗျာ။ အိမ်ပြန်မရောက်တာ ဘာလိုလိုနဲ. နှစ်နှစ်ကျော်ပြီပဲဗျာ။ ကျွန်တော်တို့မြို့လေး အခုချိန်ဆို အေးလို့စောင်ခြုံထဲမှာ ကွေးနေမှာလား။ အချမ်းပြေအောင် လိုင်မီးသောက်ပြီး ညကိုအချိန်ဖြုန်းနေပြီလား။ ခေါင်ရည်ချိုချိုကိုသောက်ပြီး ဇိမ်ယစ်နေတဲ့မြို.လည်းဖြစ်နေနိုင်တာပဲနော်။
အိမ်ကိုပြန်တဲ့ လမ်းလေးတွေကိုသတိရတယ်ဗျာ။ အိမ်ပြန်လမ်းမှာများဆိုရင် ကုက္ကို ပင်တွေဟာ စိမ်းနေမှာလား။ မြို့အ၀င်ဝ က မြို့အ၀င်ည တည်းခိုခန်းရှေ့မှာရော လူတွေစည်နေဦးမယ်ထင်တယ်။ ငယ်ငယ်ကတက်ခဲ့တဲ့ကျောင်း စိန်မေရီဟာလည်း ပြန်လာရင် စိမ်းကားမနေတန်ကောင်းပါဘူးလေ။ သတိရမိတာကတော့ စိန်ပန်းတွေပွင့်တဲ့အချိန်ဗျာ။ ဘယ်လို ရာသီမှန်းတောင်မမှတ်မိဘူး။ ဒါပေမယ့် ထင်ထင်ရှားရှားပါပဲ။ အရီးတို့အိမ်ရှေ့က စိန်ပန်းပင်ကြီးရှိသေးရဲ့လား။ ငယ်ငယ်က ကစားဖော် ချောင်းကလေးကရော ဒီအချိန်ဆို ရေတွေတဖွေးဖွေး ဖြစ်နေမလား။ ပျော်စရာကောင်းခဲ့တဲ့နေရာ ပြန်မရတော့ပါဘူးလေ။ သတိရမိတယ်ဗျာ ချောင်းထဲရေသွားကူးလို့ကတော့ အမေဒုတ်တချောင်းနဲ့လာမှပဲ ပြန်တက်ခဲ့တာတွေ။ မိုးရာသီအစ ကျောင်းဖွင့်ချိန်ဆို ထီးတွေဆောင်းလို့ အမေက ကျောင်းလိုက်ပို့တယ်။ ဪ အမေတောင် ဇရာတွေထောင်းလို့ ပျိုရွယ်မနေတော့ဘူးလေ။ တခါတခါမှာ ဘာဖြစ်ဖြစ်ဆိုပြီး အိမ်ပြန်ချင်တယ်ဗျာ။ ဖြစ်ချင်တဲ့ဆန္ဒတွေ လိုအင်တွေ အကုန်ထားပြီး အိမ်မှာအမေနဲ့တူတူ နေချင်သေးတယ်ဗျာ။ ဖြစ်နိုင်ပါ့မလားတော့မသိဘူးဗျာ။ လူဆိုတာ တော်ရာမှာဘဲနေရမှဆိုတာကြီးဗျာ။ မဖြစ်နိုင်သေးပါဘူးဗျာ။ ဆရာကျော်ဝင်း ရေးသလို ကမ္ဘာကြီးပြားလာရင်တော့ တမျိုးပေါ့ဗျာ။ မြို့ကလေး အပြားကမ္ဘာထဲ ၀င်ဖို့က လိုပါသေးတယ်ဗျာ။ ဖတ်လို့ကောင်းမကောင်းတော့မသိဘူးဗျာ။ မိုးအေးအေးနဲ့စောင်ခြုံထဲကနေ ရေးနေတာ။
Subscribe to:
Post Comments (Atom)
No comments:
Post a Comment